ಈಗ ತಿಂಗಳಿಗೊಂದು ಬೇಲಿ ಹೂ

ಮಕ್ಕಳ ಬರವಣಿಗೆಯ ಬಗ್ಗೆ ಮೊದಲಿನಿಂದಲೂ ಆಸಕ್ತಿ ಇಟ್ಟುಕೊಂಡಿರುವ ನಮ್ಮ ಶಾಲೆಯ ವತಿಯಿಂದ ಈಗ ಇನ್ನೊಂದು ಪ್ರಯೋಗ ಶುರು ಮಾಡಿದ್ದೇವೆ . ಅದು ಶಾಲಾ ಭಿತ್ತಿ ಪತ್ರಿಕೆಯ ರಚನೆ. ಅದಕ್ಕೆ ಇಟ್ಟಿರುವ ಹೆಸರು " ಬೇಲಿ ಹೂ " . ಈ ತಳುಕಿನ ಯುಗದಲ್ಲಿ ಎಂಥೆಂಥದೋ ಹೂಗಳ ಅಮಲಿನ ನಡುವೆ ಬೇಲಿ ಹೂ ಒಂದು ನಗಣ್ಯ ಪಾಪದ ಹೂ ಆಗಿ ಹೋಗಿದೆ. ಒಂದು ರೀತಿಯಲ್ಲಿ ಸರ್ಕಾರೀ ಶಾಲೆಗಳಿಗೆ ಹೊಂದಬಹುದಾದ ಒಳ್ಳೆಯ ರೂಪಕವೂ ಹೌದು ! ಈ ಬೇಲಿ ಹೂ ನ ಅಂತರಂಗದಲ್ಲಿ ಮಕ್ಕಳ ಬರವಣಿಗೆಗೆ ಅವಕಾಶಗಳಿವೆ. ಈ ಬೇಲಿ ಹೂ ನ ಮೊದಲ ಪ್ರತಿ ಸೆಪ್ಟೆಂಬರ್ ೨೬ ರಂದು ಆರಳಿತು. ಪ್ರತಿ ತಿಂಗಳಿಗೊಂದು ಬೇಲಿ ಹೂ ಹೊರತರುವ ಐಡಿಯಾ ಇದೆ. ಇದರಿಂದ ಮಕ್ಕಳಲ್ಲಿ ಬರೆಯುವ, ಚಿಂತಿಸುವ ಹಾಗೂ ಓದುವ ಅವಕಾಶಗಳು ವಿಫುಲವಾಗಲಿ ಎಂಬ ಆಶೆ ನಮ್ಮದು.